ഇന്നുമാ മാവുകൾ പൂക്കണൊണ്ട്

ഉണ്ണി മാങ്ങകൾ ചില്ലയിൽ തൂങ്ങണൊണ്ട്

ഇന്നും പറങ്കികൾ പൂക്കണൊണ്ട്

ഉണ്ണികൾ നാണം മറയ്ക്കാതെ ആടണൊണ്ട്

ഇന്നുമാ മരത്തില് മൈനയുണ്ട്

പൊത്തിൽ മുട്ട വിരിഞ്ഞുണ്ണി കരയണുണ്ട്

ഇന്നുമാ തോട്ടില് ആമ്പലുണ്ട്

പൂക്കൾ അംബരം നോക്കി ചിരിക്കണുണ്ട്‌

ഇന്നുമാ തൊടികളിൽ തുമ്പയുണ്ട്

തുമ്പയിൽ തേൻ തേടും തുമ്പിയുണ്ട്

ഇന്നുമീ നാട്ടില് ബാല്യമുണ്ട്

അവർ കാണാതെ, കേൾക്കാതെ പോകണൊണ്ട്.